،
اليوم راح آنزل روتيني الليلي
وراح اعرض المنتجات الي حبيتها
انا بشرتي مختلطه الى دهنيه
نظآمي استخدم ماسك قوي مره وحده في الاسبوع
باقي الايام استخدم غسولات وسكرابات وماسكات خفيفه
مع مرطبات منوعه ،
نبدي ب الغسولات او السكرآبات الي استخدمها
قبل اي مآسك ، الاول والاقدم هو ديب كلين من نيتروجينآ
جميل جدا ينظف البشره وخفيف يصلح للاستخدام اليومي سنين وانا استخدمه
،ومآ استغنى عنه :) ،
السكرب الثاني هو منتج كوري من سكين فود ، ريحته لذيذه والي عجبني
حبيباته كبيره احس فيه وانا افرك وجههي وينظف بشكل جميل وما يجفف ابدا
اخر شي كلينزر من اليزابيث آردن ريحته تهبل < انا انسانه تشدني الروايح كثير ترا
ميني صغير جاي سامبل استخدمته كم مره بس جميل وخفيف ع الوجهه حبيته وراح اشتري العلبه
الاكبر منه ان شاء الله
مع السكرابات استخدم اسفنجه كونجاك افرك فيها وجهي مع السكرآب جميله تساعد على
على تنظيف البشره بشكل اعمق وافضل
نجي للخطوه الثانيه وهي الماسكات ، انا دايم احب استخدم سكرب
قبل علشان يشيل كل الدهون من وجهي بعدها الماسك علشان اشوف مفعوله
هالطريقه تخلني اشوف المفعول بشكل اوضح طبعا وافضل
في ماسك قوي الي هو ازتيك استخدمه مره وحده في الاسبوع فقط
مكتوب انه ممكن يستخدم مع الماي او الخل ، حسيت المعفول اقوى مع الخل
ينظف الوجهه كامل ويجففه مع ان بشرتي دهنيه بس مره ينظف من الخاطر احبه كثير
هو يشيل الرؤس السوداء + يصغر المسام + يتحكم ف الدهون ويقلل التدهين بشكل ملحوظ
للبنات الي بشرتهم دهنيه انصحهم فيه
باقي ايام الاسبوع استخدم منتجات كوريه الي هي الطماطه الغنيه عن التعريف هههه
يعجبني هالماسك احسه ينظف ويشيل الدهون وبعد يفتح ، وجهي اكثر جزء يسمر بسبب الشمس
وكل مره استخدمه احسه يفتح بالصدفه اكتشفت انه المنتج للتفتيح من الاساس ف الموقع مكتوب
:&
بعد ماسك سكين فود ممكن يستخدم ك سكراب وماسك بنفس الوقت
اوزعه على وجهي وافركه بعدين اتركه 5 دقايق
جميل ومفعوله حلو هالمنتجات الكوريه تستاهل المدح عليها صراحه :)
بعد التنظيف استخدم مرطب جيد للبشره ، حاليا استخدم هالاثنين
المرطب الاول من بايوديرما ع اساس انه للبشره الجافه بس استخدمته
وحبيته صراحه كان جميل والعلبه بتخلص قريب
بعد استخدم مرطب من اوريجين هو بريحه البرتقال بس اول ما اتركهه
ع الوجهه تروح الريحه والي احبه انه كآنه جل يجف بسرعه ع الوجهه
الاخير هو كريم العين من اليزابيث اردين جميل ارطب فيه منطقه
العين قبل النوم شوي ثقيل بس ترطيبه حلو
وهذا الروتين الحالي احاول قدر المستطاع امشي عليه
وما اوقف ، مشاكل المسام و الرؤس السودا والتدهين قلت كثير
معي والحمدلله :)
اذا مريتي وقريتي التدوينه عطينا رآيك ف منتج
تحسي انك ما تستغني عنه وفادك وغير بشرتك للافضل
علشان نستفيد :)
وبس ، نلقاكم ف بوست ثاني
،
No comments :
Post a Comment